44. De sanctissima Trinitate.

1. Te decet laus,
pater, qui es dives
in omnibus,

2 a. Sed minor non decet
gloria

te, fili, et spiritus
ignee,

2 b. Quorum potestas est
et opus

simile per saecula
saeculi.

3 a. Nam pater genuit
de sua substantia
genitum ;

3 b. Non illum fecerat
tempore volubili
parilem.

4a. Per quem tempora
condidit omnia
ex nullis subsistentibus
causarum formulis.

4 b. Ipse paternae
gloriae imago,
aeterni luminis splendor,
figura eadem.

5 a. Invisibilis,

quem nullus hominum

mortali

carne conclusus viderat,

rex regum, dominus caelorum,

trinae formator machinae,

5 b. Artubus tamen
cum patre regnator
supernus

eruens captivos
dente latronis saucios.

6 a. Sancte spiritus
paraclite,
summe magister
et intime,

largire tuis supplicibus,
ut digne temet laudemus
patri filioque co-
aeaualem,

6 b. A quis procedens
non recedis,
sic tu mitteris,
ut dominas

nequaquam esse cessaveris,
unctio pia sanctorum
cordium, expurgator
criminum.

7 a. Haec est trinitas
et unitas,

cum tria sint unum,
et unum sit tria,
pater, genitus
et spiritus.

7 b. Sancta succurre
tuis servis
trinitas maximis
delictis immersis,
fac, spernant saeculi
illecebras

8. Te sequendo
puro ingenio,
o trinitas.