Acta Apostolicae Sedis - Commentarium Officiale290

nibus in valetudinariis, ad vitae extremum eum reduxit; sed post vehemen-

tem et longam orationem ad Virginem Auxiliatricem, repente se sanum inve-

nit etiam si dextrum crus partim laesum mansit.

Schola doloris educatus est, primum medicus fieri voluit sed post eius

matris repentinam mortem, clare sacerdotalis vocationis signa percepit.

Alumnus fuit in Almo Collegio Capranicensi et deinde in Pontificia Universi-

tate Gregoriana, sacris in ordinibus die 17 mensis Decembris anno 1938 ini-

tiatus est, postea consecutus est Theologicam licentiam, Canonico in Iure

lauream et Advocati Rotalis diploma; deinde ad Sanctae Sedi operam navan-

dam iuxta Secretariam Status convocatus est.

Illis in annis Servus Dei ut curae praecipue erga aegrotos et dolentes

solidam effigiem exprimeret, incepit fundationem suae Operae mense Maio

anno 1943 exordiens a « Sodalicio Sacerdotali Mariano », pro sacerdotibus

aegrotis et in difficultatibus.

Die 17 mensis Maii anno 1947 Servus Dei, cum Sorore Elvira Myriam

Psorulla, fundavit « Voluntarios Doloris » ac sua perspicacia charismatica

ad novam comprehensionem spiritualem et pastoralem infirmorum perficere

valuit, qui sunt non tantum obiectum curae et caritatis sed etiam subiecti

activi in evangelizatione.

Die 1 mensis Novembris anno 1950 Servus Dei « Piam Unionem Silentium

Operariorum a Cruce » fundavit e sodalicio aegrotorum et sanorum tam sa-

cerdotum quam laicorum, qui, inspirante Virgine Maria, in plenitudine vivere

debebant et Operae charismatis testimonium praebere, scilicet dolentium

hominum exercere apostolatum. Instituit « Fratres et Sorores Infirmorum »

homines numpe sanos praestantes suum officium aegrotis in eorum necessi-

tatibus vitae et in apostolatu.

Deinde implicare laicos et pastores suo spiritualitatis consilio cupiens,

sodalicium constituit « Fratres effectivos Silentium Operariorum a Cruce »

et « Episcopos Aggregatos »: propositum semper exoptatum a Fundatore fuit

« aegrotum per aegrotum cum auxilio fratris sani probare ».

Permulta opera Servi Dei fuerunt ad fovendum et incrementandum

infirmorum apostolatum in Ecclesia et in societate: spiritualia exercitia,

transmissio radiophonica, editio ephemeridum, constitutio sacrorum

peregrinationum, plures congressus infirmorum de pastorali secundum

Christi Cor, institutio officinarum chymicae analysis et locorum ad

restitutionem in integrum infirmorum, missiones in valetudinariis pro