Congregatio de Causis Sanctorum 291

leprosis, constans cura religiosae consolationis in valetudinariis et in locis

medicae therapiae.

Iter perfectionis Servi Dei est « Silentium interius » quod locum cordis

« tabernaculum interius » omnino praestat Amori Trinitario et in cura et

auxilio hominum.

Via ad persequendam plenitudinem perfectionis caritatis ab eo adhibita

est secundum gradus interioris silentii: iter cum Maria ad efficiendam plenam

cum Christo configurationem. Constant ergo silentium peccati mortalis et

venialis, suavis moderatio passionum et subsequens interpositio una cum

Maria in ipso Christi sensu, explicans se eius in humilitate, paupertate et

oboedientia necnon in obsequentia erga actionem Spiritus Sancti; in tacita

oblatione cum Christo sui doloris et in adoratione Dei Voluntatis etiam

expeditis humanis rationibus.

Servus Dei heroicum testimonium istius itineris obtulit vivens in plenitu-

dine communionis cum Maria, et semper evangelica praecepta castitatis,

paupertatis et oboedientiae assecutus est. Exercuit perseverantia virtutes

theologales et cardinales.

Post totam exsistentiam positam in Crucis mysterio Dominus Aloisius

Novarese vita excessit in Castro Arcis Perjuriae iuxta Romam die 20 mensis

Iulii anno 1984. Fama Sanctitatis qua vita claruit, post mortem eius incre-

buit, quamobrem iuxta Curiam Episcopalem Tusculanam celebrata est In-

quisitio Dioecesana ab anno 1989 ad annum 2003, cuius iuridica validitas ab

hac Congregatione de Causis Sanctorum per decretum diei 26 mensis Novem-

bris 2004 est approbata. Exarata Positione, disceptatum ex norma an Servus

Dei heroicum in modum virtutes coluisset. Die 19 mensis Decembris anno

2008 Congressus Peculiaris habitus est Consultorum Theologorum, positivo

cum exitu. Patres Cardinales et Episcopi in sessione Ordinaria die 8 mensis

Februarii anno 2010 congregati Ponente Causae Excellentissimo Domino

Franco Croci agnoverunt Servum Dei Aloisium Novarese virtutes theologa-

les, cardinales eisque adnexas heroum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servi Dei Aloisii