47. De Corpore Christi.

1. In exitu miserae
vitae mundi
Est canendum
Alleluia,

2 a. In quo cenam familiae
Dedit Iesus, rex gloriae,
Alleluia.

2 b. Agnus fuit edulium,
Panis Christi mysterium,
Alleluia,

3 a. Nam ephylision panis
Salutem dat christianis,
Alleluia.

3 b. Calix datur testamento,
Qui fit sanguis in momento,
Alleluia.

4 a. Cum manibus ferebatur,
Is commendans esca datur,
Alleluia.

4 b. Cinctus turba duodena
Fuit donum dans in cena,
Alleluia.

5 a. Botrus panem byssi donat,
"Hocestcorpusmeum" sonat,
Alleluia.

5 b. Per hoc corpus celaria
Dantur et caeli gloria,
Alleluia.

6 a. Tegumento specierum

Dedit nobis corpus verum,
Alleluia.

6 b. Miraculo cedit iura
Ibi virtute natura,
Alleluia.

7 a. Hoc ferculo focillatur
Nostra mens et roboratur,
Alleluia.

7 b. Timor, fides, dilectio
Sunt in hoc sacrificio,
Alleluia.

8 a. Et sanctae mentis puritas,
Ut sic credatur veritas,
Alleluia.

8 b. Digne sumat, qui gustabit,
Alioquin mortem dabit,
Alleluia.

9 a. Totum sumit is, qui credit,
Qui non credit is non edit,
Alleluia.

9 b. Hic accidens non mutatur,
Licet subiectum tegatur,
Alleluia.

10 a. Qui hoc credit, meritum
Habet, non interitum,
Alleluia.

10. Nobis donet lux superna,
Ut mereamur aeterna,
Alleluia.