Acta Apostolicae Sedis - Commentarium Officiale294

Quam Henrica vixit, eiusdem extremae suiipsius Christo oblationis et

genuinum dedit testimonium. Liberationem illam, quae ex Evangelio manat,

etiam inter acerrimas infestasque et multiplicibus difficultatibus atque in-

commodis signatas rerum asperitates nuntiavit: etsi tantis praepediretur an-

gustiis, Serva Dei, enim, constanter et proprie Domino fidelis permansit, eius

voluntatis docilis, in iugi benignae erga proximum caritatis sollertia firma.

Profundi ingenii sui futuri perspicuitatis ope necessitatem intellexit in navi-

tatem incumbendi institutionis puerorum, praesertim servilis condicionis,

quo munere summa suiipsius oblatione summopere functa est.

Anno adhuc 1851, Henrica graviora coepta est affici doloribus tubercu-

laris naturae. Licet infirma valetudine asperisque angustiis corpore valde

corriperetur, Serva Dei tamen pro egenissimis quibuscumque omnino eniti

numquam praetermisit.

Aestate anni 1853, consorores a Sacra Familia infirmis puerisque ob ter-

ribilem malaricae febris labem parentibus orbatis assidendo omnibus viribus

et opibus strenuum impertierunt laborem, peculiare vere et misericors servi-

tium, quo nova Congregatio in animo ac sententia populi, ingentia affectus et

aestimationis proferentis signa, eluxit.

Post longam, acerbam et duram infirmitatem, Serva Dei die 17 mensis

Novembris anno 1862, quinquagesimo primo aetatis suae, Novae Aureliae in

Domino quievit: quae multorum profundissime dereliquit vacua, omnibus

vero christianis virtutibus heroice praedita conversatione replevit corda.

Hanc ob sanctitatis famam a die 20 mensis Decembris anno 2004 ad diem

30 mensis Iunii anno 2005 apud Curiam Novae Aureliae Causa Beatificationis

et Canonizationis inita est per celebrationem Inquisitionis Dioecesanae, cuius

auctoritas et vis iuridica a Congregatione de Causis Sanctorum decreto diei 10

mensis Decembris anno 2006 probatae sunt. Positione confecta, iuxta suetum

morem, die 7 mensis Octobris anno 2008, in Congressu Peculiari Consultorum

Historicorum et, die 29 mensis Maii anno 2009, in Congressu Peculiari

Consultorum Theologorum prospero cum exitu disceptatum est an Serva

Dei more heroum virtutes christianas exercuisset.

Patres Cardinales et Episcopi in Sessione Ordinaria diei 2 mensis Martii

anno 2010, audita relatione Excellentissimi ac Reverendissimi Domini Iusti

Mullor Garcı́a, Archiepiscopi titularis Volsiniensis, Causae Ponentis, professi

sunt Servam Dei virtutes theologales, cardinales iisque adnexas in modum

heroum coluisse.