Congregatio de Causis Sanctorum 295

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Henricae

Delille, fundatricis Congregationis Sororum a Sacra Familia, in casu et ad

effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Martii A. D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

PADERBORNEN.

Beatificationis et Canonizationis Servae Dei Mariae Teresiae Bonzel (in saeculo:

Reginae), Fundatricis Instituti Sororum Pauperum Franciscalium ab Adoratione

Perpetua de Olpe (1830-1905)

DECRETUM SUPER VIRTUTIBUS

«Qui contra spem in spe credidit, ut fieret pater multarum gentium »

(Rom 4, 18).

Totius vitae spiritualis firmitas fidei Servae Dei Mariae Teresiae Bonzel

praecipuam ac summa fuit, quae, tamquam alter Abraham, omnibus in pe-

regrinationis suae adiunctis in benignitatem divinae voluntatis procumbens,

semper in Deo sperare valuit.

Serva Dei (in saeculo: Regina Christina Gulielmina) in vico Olpe in Ger-

mania die 17 mensis Septembris anno 1830 nata est locupleti ex familia

condicione et strenua publica actuositate profundisque christianis virtutibus

insigni.