50. De Corpore Christi.

1a. Sacramentum

Hodie colitur,
Nutrimentum,

Quo mens reficitur,
Alleluia.

1 b. Ad augmentum

Gratiae sumitur,
Firmamentum
Virtutis creditur,
Alleluia.

2 a. Cibus iste

Carnis et sanguinis
Tui, Christe,

Fons est dulcedinis,
Alleluia.

2 b. His donis te

Sapit cor hominis,
In quo triste

Nil est vel criminis,
Alleluia.

3 a. Totum sumit

Sub una specie
Nec consumit
Auctorem gloriae,
Alleluia.

3 b. Non praesumit

Cum superficie,
Dum assumit

Hunc scindi varie,
Alleluia.

4 a. Esca talis,

Quae nunquam deficit,
Nocet malis,

Sed bonis proficit,
Alleluia.

4b. Quae vel qualis

Sit, loqui deficit,
Supernalis

Virtus hanc efficit,
Alleluia.

5 a. Hunc gustemus

Praeclarum calicem
Et laudemus
Deum opificem,
Alleluia.

5 b. Adoremus

Christum pontificem,
Ut regnemus

In caelis invicem,
Alleluia.