51. In Festo Corporis Christi.

R Ave, verum corpus, natum
De Maria virgine.

1a. Stella duce demonstratum
Regibus in stramine;

1b. Iusto seni praesentatum
Laeto consolamine.

2 a. Omni laude praedicatum
Veritatis familie.

2 b. Iuxta legem conversatum
Et caelesti lumine.

3 a. Verbo vitae transformatum
In caelesti rumine,

3 b. Hic in cibum nobis datum
Gratiae pinguedine.

4 a. Fidelibus sociatum
Caritatis ordine,

4 b. Dure passum, immolatum
In cruce pro homine.

5 a. Truci manu perforatum
Iusto fluens sanguine

ob. Et post mortem tumulatum
Planctus magnitudine.

6 a. Die Paschae suscitatum

Cum sanctorum agmine,

6 b. Nube clarum sublevatum
De mundi vertigine.

7 a. In cunctorum situatum
Aeterno regimine.

7 b. Ergo mitte tuum flatum
De paterno numine,

8. Esto nobis praegustatum,
Salus in discrimine,

9 a. O dulcis,

9 b. O clemens,

10 a. O pie,

10 b. O felix,

11a. O summe,

11b. O pater,

12 a. O digne,

12 b. O fili

13. Virginis Mariae.