Congregatio de Causis Sanctorum 297

commercium adnisa est comparare, iugi studio navans, ut validos moderato-

res spirituales et optimos confessores iisdem praestaret easque ad efficacem et

uberem caritatem compelleret.

Servae Dei ministerii cardines fuerunt sollicitudo summa firmissimaque

abnegatio et multis in eius gestibus eadem spiritus Sancti Francisci profun-

ditas perspici potest, spe constanti, erga pauperes et derelictos caritate infi-

nita ac paenitentia austera referta. Semper adhuc uti mulier simplex depicta

est, in usu bonorum temperans et prudenti ingenii calliditate suffulta.

Bello inter Galliam et Prussiam annis scilicet 1870-1871 grassante, Soror

Maria Teresia, licentia Episcopi relata, Sorores quasdam muneri sauciatos

opitulandi seposuit. Hanc praeterea ob peculiarem et eximiam, quam de-

monstravit, pietatem Imperatrix praemio pro meritis eam honestavit, eximio

aestimationis et obsequii civilis auctoritatis signo, quod autem nullomodo

valuit quominus Congregatio in difficillimis civilis cultus oppugnationis

adiunctis, vulgo Kulturkampf, quae annis 1872-1882 plurimum viguit, aliis

corriperetur exceptionibus. Harum aerumnarum causa, Serva Dei aciem

apostolatus missionalis Congregationis extendere statuit et aliquas Sorores

Lafayettopolim in Indiana dicione, ex Civitatibus Confoederatis Americae

Septentrionalis, misit. Hoc in novo munere exercendo, praeter servitium

apud nosocomium, religiosae scholae administrandae studiose vacaverunt

et Novitiatum etiam instituerunt, qui multis vocationibus citius ditatus

est. Soror Maria Teresia hanc novam et longinquam fundationem crebro

epistularum commercio ac triplici ipsius itinere uti sollicita intentaque vigil

adsectata est.

In societate tunc rore doctrinarum madida, quae iuri naturali luminisque

rationis - quod dicitur - imperio maxime religioni atque Ecclesiae infenso,

necnon humani illius temporis cultui admodum obtrectanti ac virulento in-

nitebantur, numquam multiplicibus, in quae incurrit, acerbis angustiis per-

territa, Serva Dei fiduciam in Deo semper praestitit et, tot volventibus casi-

bus, etiam universis Episcopi ac Civilis Auctoritatis mandatis fidelis firmiter

perstitit, miram extraordinariamque praesertim quoad novarum fundatio-

num incrementum exhibens prudentiam.

Eius operis fulcrum immensus fuit Eucharistiae ac proximi amor, quem

constanti oratione aluit.

Mense Februario anni 1903 autem Mariae Teresiae valetudo graviter ruit.

Nihilo tamen setius, insequenti anno, Capitulo Generali Congregationis inter-

fuit, in quo, licet reluctans atque invita, adeo communi cunctarum suffragio