52. De Corpore Christi.

1. Ave, corpus Iesu Christi,
In ara crucis te obtulisti
Ob salvandum hominem.

2 a. Salve, sanguis Iesu Christi

Qui de latere emanasti

In redemptionem.

2 b. Tu es sanguis pretiosus,
Per quem victus est dolosus
Serpens, fallens hominem.

3 a. Ave, Iesu Christi sanguis,
Per te victus vetus anguis
In infernum cadens stagnis,
Lapsum reddit hominem.

3 b. Tu es sanguis pretiosus,
Per quem victus est dolosus
Serpens, nequam, tam virosus,
Perdens fortitudinem.

4 a. Rex caelorum, tuum sinis
Caput coronari spinis,
Et corona dira nimis
Te ferentem comprimit.

4 b. Tua membra flagellantur,
Manus, pedes perforantur,
Omnes artus cruciantur,
Mucro latus aperit.

5 a. Aqua, sanguis hinc emanat,
Sauciatos vere sanat,
Tuas laudes plebs explanat
Neumatis charismate.

5 b. Cuius caro iustos pavit,
Sacer sanguis sordes lavit
Et redemit, quos creavit
In sacro baptismate.