53. De Corpore Christi.

1 a. Corpus nostri salvatoris
Et aeterni redemptoris
Celebret ecclesia,

1b. Panis vivus qui de caelis
Missus ore Gabrielis
Cum magna laetitia.

2 a. Hic est panis gloriosus,
Summis summe gratiosus,
Mira dans solamina ;

2 b. Hic est panis, qui descendit
Et post mortem caelos scandit
Cum summa militia.

3 a. Panis cenae praesentatus
Fuit nobis et donatus
Manu sapientiae.

3 b. Panis felix, triumphalis,
Titulus caelestialis,
Rex misericordias.

4 a. Panis animas defendens
Nostras semper et protegens
Ab hoste superbiae.

4 b. Panis cibus angelorum,
Toti cenae beatorum
Dat regina gloriae.

5 a. Panis obvians ruinae
Terris plebis peregrinae
Adversando daemoni.

5 b. Panis, qui sanat languores
Et aufert nostros dolores
Huius mundi miseri.

6 a. Panis, qui ducit ad portum
Et praeparat nobis hortum
Optimum delicii.

6 b. Panis, qui dat paradisum
Et ostendit Deum vivum
Superni palatii.