Congregatio de Causis Sanctorum 299

NEPESINA seu HERBIPOLEN.

Beatificationis et Canonizationis Servae Dei Mariae Franciscae a Cruce (in saeculo:

Amaliae Franciscae Rosae Streitel), Fundatricis Instituti Sororum a Matre

Dolorosa (1844-1911)

DECRETUM SUPER VIRTUTIBUS

« Et ego, si exaltatus fuero a terra, omnes traham ad meipsum » (Io 12, 32).

Quae quidem sententia, e sacris litteris sumpta, universam vitam Mariae

Franciscae a Cruce, Dei Servae, permeavit, quippe quae, cum talium verbo-

rum vim in pueritia scrutaretur, usque ad supremum diem illud experta sit,

quod per crucem tantum ad lucem - ad Iesum scilicet, qui surrexit a mortuis

- perveniri potest. Sic demum ipsa tum Redemptionis coniungi mysterio,

tum insigni Eucharistica pietate ali poterat, quae pariter a Maria, Matre

Dolorosa, exemplum sumere consueverat.

Quae Dei Famula die 24 mensis Novembris, anno 1844, in oppido, quod

vulgo Mellrichstadt appellant, quodque intra fines Dioecesis Herbipolensis, in

Bavaria, nata est; eodemque die cum ad fontem lavacri salutaris rite addu-

ceretur, nomina ei Amalia Francisca Rosa imposita sunt. Haec autem maxi-

ma natu erat quattuor liberorum Adami Streitel, qui vir tunc ei regioni

praeerat, et Franciscae Carolae eius uxoris; qui quidem, cum pro copia rei

familiaris omni tempore ad opitulandum pauperibus et infirmis essent parati,

brevi effecere ut parvula Amalia, quae ceterum saepe matris comes erat, non

modo pauperorum et infirmorum, verum etiam puerorum cognosceret aegri-

monias.

Ad Eucharisticam mensam primum accessit puella die 19 mensis Aprilis

anno 1857, in templo curiali in patria, dieque deinceps 24 mensis Septembris,

in pago quem vulgo Gersfeld nominant, sacris item in aedibus almo chrismate

inuncta est. Tum inde, puerorum elementis iam imbuta, quo gravioribus

disciplinis se dederet, Augustam Vindelicorum, in Institutum Sororum Fran-

ciscalium Mariae quae fertur a Stella, migravit; ibique demum, anno 1862,

studiis ad finem adductis, eademque diplomate cum Gallici sermonis tum

etiam musicae honestata, divino quodam instinctu ad religiosam conversa-

tionem se vocatam agnovit.

Cum autem, reluctante patre, ad instantiores orationes, eaque gravi op-

pressa maerore, quattuor annos incubuisset, vix tandem ut se sociam adiun-