Acta Apostolicae Sedis - Commentarium Officiale300

geret ei Instituto, in quo ipsa antea studio vacaverat, veniam impetravit.

Sacro igitur inito sodalicio, eidem virginum velo inauguratae Soror Maria

Angela nomen inditum est. Quae quidem, post sacra vota nuncupata, cum

in eius Instituti scholas, docendi gratia, mitteretur, pietate et prudentia

omni tempore effulsit, et vero etiam in officiis, quae deinceps ei tamquam

Antistitae gerenda delata fuere.

Postquam vero Herbipolim mota est, mense Augusto, anno 1880, in

Carmelitidum numerum, quarum sedem vulgo Himmelspforten appellant, ut

ascisceretur exoptavit; quod quidem permissu Episcopi factum est die 25

mensis Ianuarii, anno 1882. Attamen cum, post sextum denique mensem,

per mysticam experientiam ad aliam formam conversationis se vocatam

agnosceret, facultate a confessario facta, ad paternam domum reversa est.

Mox autem Rev.do D.no P. Ioanni Baptistae Jordan Romam se ventu-

ram esse promisit, cui quidem se sociam laboris praestaret in condendo ramo

virginum eius Instituti, quod postea Societas Divini Salvatoris appellatum

est. Huc ergo pervenit Dei Famula die 16 mensis Februarii anno 1883; quae

demum, huic proximo die 18 mensis Martii, cum ex ipso D.no P. Jordan

habitum acciperet, Mariam Franciscam a Cruce nomen assumpsit. Brevi ita-

que adulescentulae multae, idem cum ea de forma vitae, sive activae, sive

divinarum rerum contemplationi deditae, sentientes, in sodalitatem ascitae

sunt, quarum praeterea esset cum pauperes puellas in asceterium accipere,

tum etiam egenos infirmos, in Urbe degentes, sua quemque in domo curare.

At, cum Dei Serva in apostolico opere omnia studia praestaret, alia tamen

erant divina consilia. Nam, propter dissensionem a P. Jordan, auctoritates

ecclesiasticae statuerunt ut sodalicium illud, cui Francisca praeerat, suis le-

gibus fieret; dieque demum 12 mensis Octobris anno 1885, Institutum Soro-

rum a Matre Dolorosa a Leone XIII Pontifice Maximo laudatum est. Hinc

Serva Dei, iam inde ab anno 1889, in Foederatis Americae Septentrionalis

Civitatibus, in Austria, in Bohemia denique, postremo etiam in Italia, vale-

tudinaria et scholas aperuit, cum autem nostra aetate Sorores etiam in Ger-

mania, in Brasilia, in regione Caribica, in Tanzania versarentur, operam

navantes.

Ceterum Servae Dei vitam, sive ea iustam Deo pietatem adhiberet, sive ea

divinum verbum nuntiaret, vel quasi sua sereret industria, eae profecto vir-

tutes, quas Beatus Franciscus sibi suisque colendas proposuerat, penitus

imbuerunt: in Deum religio et caritas, Ecclesiae oboedientia, fervida in Crucis

mysterium pietas, vitae emendatio, prompta humilitas ac perpetua, magna in