55. De Corpore Christi.

1 a. O Messia vere, Christe,
Plenus Dei gratia,

1b. Qui de caelo descendisti
Donans nobis gaudia.

2 a. Caro tua, quam tulisti
De virgine veraciter.

2 b. Hic sacratur, qua damnatur
Serpens efficaciter.

3 a. Hoc est corpus, quod Maria
Concepit de flamine,

3 b. Quod portavit virgo pia
Divino spiramine.

4 a. Haec est caro clavis fixa
Crucis in patibulo,

4b. Quae surrexit crucifixa

Vitam reddens saeculo.

5 a. Hunc Mariae filium
Laudemus magnificum,

5 b. Regi regum omnium
Cantemus plausificum,

b. Qui nostrorum scelerum
Nobis det remedium.