Congregatio de Causis Sanctorum 301

pauperes et infirmos liberalitas, zelus animarum salutis denique, postremo

studium iniurias Deo vel Ecclesiae illatas resarciendi.

Et sane evangelica consilia praeter modum exercuit Francisca; quae ger-

manissima discipula Pauperis Assisiensis, cum evangelicam ipsa paupertatem

dilexerat, tum etiam sodales item hortari consueverat, quippe quae illud

« paupertatis amor fundamentum virtutis » semper in ore haberet. Quanta

vero pulchritudo inesset in animo eius, hoc ad habitum, hoc denique ad

universam eius vitae rationem redibat.

Ceterum nec labores nec indigna defuere, quibus quidem excitati eo usque

processerunt errores ut Instituti ei moderamen abrogaretur. Quod factum

ipsa cum tamquam gregaria quaedam soror, summa prorsus oboedientia,

accepisset, in ludo parvorum puerorum ad Castrum Sancti Eliae, in dioecesi

Nepesina, reliquum tempus aetatis egit, tum egeniorum infantium curam

gerens, tum tempora omnia dierum, eademque vel noctium interdum, quan-

tum fieri poterat, sancta precatione consumens. Quae, cum denique septem

ac sexaginta ferme annos nata, aequo animo, a vitae huius tenebris ad sem-

piternam lucem transiret, mortem, « sororem nostram », utpote germanissima

Franciscalis, obivit. Tota enim in Crucifixo, qui erat in cubiculo eius, oculis

haerens, extremum spiritum effudit die 6 mensis Martii anno 1911, eodem

videlicet die quo Pius X Pontifex Maximus instituta Congregationis eius

laudaverat; ex quo tempore Sorores et populus, tam insignis mulieris virtutes

pro comperto habentes, divina beneficia, eiusdem intercessione confisi, rogare

haud desierunt.

Increbrescente igitur eius sanctimoniae fama, in Dioecesi Nepesina Ordi-

narius Processus a die 5 mensis Aprilis anno 1937 ad diem 11 mensis Martii

anno 1940 habitus est, cum interim Rogatoriales Processus tres Herbipolen-

sis, Patersonensis, Vinonaënsis facti sunt. Hinc autem Apostolici Processus,

Nepesinus scilicet, a die 3 mensis Augusti anno 1948 ad diem 12 mensis

Decembris anno 1949 eodemque tempore tres Vindobonensis, Salisburgensis,

Vinonaënsis conditi sunt. Quorum et singulorum vim Processuum Sacra Ri-

tuum Congregatio ratam fecit per decretum die 3 mensis Februarii anno

1952, latum. Inde postea, novissima Positione confecta, more tralaticio dis-

ceptatum est num Dei Ancilla christianas virtutes, eaque heroico in gradu,

exercuisset. Die autem 15 mensis Maii anno 2009, felici quidem cum exitu,

habitus est Congressus Peculiaris Theologorum Consultorum. Amplissimus

denique Purpuratorum Patrum et Antistitum coetus, in Comitiis Ordinariis,

quae die 19 mensis Ianuarii anno 2010 gesta sunt, audita relatione Exc.mi