56. De Corpore Christi.

1a. Voci vita
Sit unita

Legis amicitia,

1 b. Dum sacratur,
Quod damnatur
Peccati malitia,

2 a. Caro panis, sanguis vinum
Dum fiunt veraciter,

2 b. Quod delevit serpentinum
Virus efficaciter.

3 a. Hoc est corpus Christi verum
Natum matre virgine,

3 b. Quod contrivit hostem ferum
Salvato sic homine.

4 a. Hoc in cruce
Sexta luce
Passum vicit infera:

4 b. Hoc surrexit
Et evexit

Carnem super aethera.

5 a. Hic est cibus, hic est potus
Dans manna vivificum.

5 b. Unde chorus hic devotus
Concinat plausificum

6. Alleluia.