Congregatio de Causis Sanctorum 303

SANCTISSIMAE MARIAE ASSUMPTIONIS

Beatificationis et Canonizationis Servae Dei Mariae Feliciae a Iesu Sacramentato

(in saec.: Mariae Feliciae Guggiari Echeverrı́a) Sororis professae Ordinis Carme-

litarum Discalceatorum (1925-1959)

DECRETUM SUPER VIRTUTIBUS

« Dilectus meus mihi, et ego illi » (Ct 2, 16).

Maria Felicia a Iesu Sacramentato orta est in civitate Villarrica a Spiritu

Sancto (Paraguay) die 12 mensis Ianuarii anno 1925; primogenita ex septem

fratribus, parentes habuit Raimundum Guggiari et Armindam Echeverrı́a,

qui filiam ad fontem baptismalem duxerunt quando aetatis annum tertium

iam expleverat et Maria Felicia ei nomen dederunt. Quinquennis Maria Fe-

licia collegium « Mariae Auxiliatricis », sub directione sororum, frequentare

incepit, ibique ad primam eucharisticam communionem accuratissime se

praeparavit cum decimum secundum aetatis annum ageret, qua occasione

sibi proposuit ad perfectionem semper et constanter contendere.

Plures difficultates superare debuit propter perturbationes politicas qui-

bus pater eius affectus fuerat, sed tamen curriculum studiorum usque ad

titulum magisterii assequendum prosecuta est. Anno autem 1941 professa

est in Actione Catholica quae tunc primum in Paraguay instituta fuerat. In

congressibus huius societatis didicit Christum cognoscere et amare, ita ut

deinceps Ipsum, toto corde dilectum, ut unicum vitae suae amorem eligeret.

Annis 17 nata actioni apostolicae, scilicet Christo, sese in virginitate conse-

cravit. Inde a dicta consecratione Serva Dei tota Dei et proximorum servitio

se dedit: cotidie summo mane Eucharistiam recipiebat, per plures horas

studio vacabat vel lectiones discipulis tradebat, domi matri in domesticis

laboribus adiutricem manum dabat, et insuper senes et infirmos visitabat;

in congressibus Actionis Catholicae specialem curam iuniorum puellarum

gerebat. Simplicissima et humili veste alba semper induebatur, alba ut puri-

tatem significaret, simplici, ne quis cogitaret ipsam nepotem esse viri illustris

qui Praeses Reipublicae fuerat.

Post bellum civile quod anno 1947 totam Nationem afflixit, familia

Servae Dei, quae multa propterea pati debuit, praesertim ob exsilium

patrisfamilias, civitatem Villarrica deserere debuit et in urbem

Assumptionis migrare, ubi Serva Dei titulum academicum superiorem