59. In Dedicatione Ecclesiae.

1. Benedic, Domine,
domum istam,
quae aedificata est
nomini tuo.

2 a. Respice de caelo
et vide et visita
domum istam,
Domine.

2 b. In ea omnis,

qui petit, accipiet
ianuaque pulsanti
pateat.

3 a. Haec est Ierusalem
sancta tua,
Domine,

3 b. Ipsa namque
est electa
civitas.

4 a. Gloriosa sunt de te
enim dicta,
civitas Dei,
quae sanctificata est
per tuam sanctam dexteram.

4 b. Per ipsius ianuam
ecclesiae

pervenire possimus
ad paradisi gaudia
simul omnes.