Acta Apostolicae Sedis - Commentarium Officiale306

CONGREGATIO

PRO ECCLESIIS ORIENTALIBUS

DECRETUM

Ut aptius spirituali bono atque regimini christifidelium Ecclesiae Byzan-

tinae in Hungaria commorantium consuleretur, Benedictus PP. XVI in Au-

dientia infrascripto Cardinali Praefecto Congregationis pro Ecclesiis Orienta-

libus die 17 mensis Februarii hoc vertente anno concessa, sua sollicitudine

pastorali ductus, Archidecanati Zemplén undetriginta paroecias una cum suis

bonis Exarchiae Miskolcensis territorio uniri decrevit, ut in elencho addito *

huius decreti parte necessaria liquet. Eparchiae Haidúdoroghensis omnes

presbyteri et ceteri clerici, in paroeciis dicti Archidecanati ministerium exer-

centes, Exarchiae Miskolcensi incardinabuntur, et seminarii alumni ex iisdem

paroeciis provenientes ad novam circumscriptionem pertinebunt.

Ecclesia Dormitionis Mariae Virginis in urbe Miskolcensi Exarchiae ecclesia

Cathedralis est.

Quaecumque quaestio ad personas ac bona pertinens ab utrisque Hierar-

chis officii episcopalis conscientia pro animarum salute profliganda erit, sin

autem res ad Congregationem pro Ecclesiis Orientalibus deferatur.

Summus Pontifex hoc Decretum fieri iussit.

Contrariis quibuslibet minime obstantibus.

Datum Romae, ex aedibus Congregationis pro Ecclesiis Orientalibus, die

5 mensis Martii A. D. 2011.

Leonardus card. Sandri

Praefectus

e Cyrillus Vasil', S. I.

Archiepiscopus a secretis Prot. N. 251/2009

------- * Arcidecanato di Zemplén - Decanato di Hegyalia, Bekecs; Bodrogkeresztúr; Bodro- golaszi; Komlóska; Mezőzombor; Szerencs; Tokaj; Tolcsva - Decanato di Miskolc, Berzék; Felsőzsolca; Hejőkeresztúr; Miskolc(-Belváros); Miskolc-Avas; Miskolc-Dió- sgyőr; Miskolc-Görömböly; Miskolc-Szirma; Sajópálfala; Sajópetri; Sajóvámos; Ti- szaújváros; - Decanato di Sátoraljaújhely, Dámóc; Kenézlő; Pácin; Rudabányácska; Sárospatak; Sárospatak-Végardó; Sátoraljaújhely; Vajdácska; Zemplénagárd.