63. Die Dominica.

1 a. A sublimi
Statu primi

Parentes exciderant,

1b. Casu digni,
Quia ligni

Fructum non exceperant.

2 a. Circumventi
Virulenti

Serpentis astutia,

2 b. Spe delusi
Sunt conclusi

Sub mortis sententia.

3 a. Pro reatu
Cruciatu

Fatigantur miseri ;

3 b. Obligati
Sub peccati

Lege gemunt posteri.

4 a. Ex radice vitiata,

Praedamnata necdum nata,
Procedit posteritas;

4 b. Plangit Eva sub ruma,
Plangit Adam, nec divina
Dormitat severitas.

5 a. Fallax fera,
Viru plena,
Gaudet planctu,
Gaudet poena,

Poenae poenas ingerit,

5 b. Caecos caedit,
Laesos laedit,
Compos voti,
Quod sic toti

Massae praenocuerit.

6 a. Se pro Deo rogat coli
Tyranni superbia ;

6 b. Quod debetur Deo soli,
Praesumit malitia.

7 a. Draco vetus libertatis
Intercludit aditum

7 b. Nec supernae pietatis
Attendit propositum.

8 a. Nobis ergo desperatis
A consessu maiestatis
Pater misit unicum ;

8 b. Pugnaturus cum gigante
Nos ad pugnam provocante
Processit in publicum.

9 a. Summi patris filius,
Nostrae cladis conscius,
Dum superbit impius
Et pauper incenditur.

9 b. Ut superbum conterat,
Carni se confoederat;
Sic captivos liberat,
Sic ars arte luditur.

10 a. Pater, fili, consolator,
Unus Deus, unus dator
Multiformis gratiae,

10 b. Solo nutu pietatis

Fac nos simplae trinitatis
Post spem frui specie.