64. Pro Defunctis.

1 a. Homo, natus in hoc mundo,
Parum vivis in profundo
Veteris miseriae.

1 b. Ut flos exis, sectus ares,
Primum fualges, post non pares,
Debilis materiae.

2 a. Vile semen in ingressu,
Vas immundum in progressu,
Vermis cibus in egressu.

2b. Quid superbis, terra, cinis?
Sordes, ecce, plagis trinis,
Recordare semper finis.

3 a. Ergo comple iussa Dei

Sic post mortem iunctus ei
Caelo vives permansurus.

3 b. Hic quod seris, illic metes,
Dum tribunal Christi petes
De talento responsurus.

4 a. Iesu, sator et creator,

Finis rerum, lumen verum,
Vita defunctorum,

4 b. Ipsis lucem sempiternam
Confer clemens et aeternam
Requiem laborum.