65. Pro Defunctis.

1 a. Veni, iudex gentium,
Veni, rex fidelium

Concede, quod petimus;

1 b. Tolle, quod peccavimus,
Et dona, quod sitimus,
Lucis tuae radium.

2 a. Flentibus solacium,
Sol radians cordium,
Polorum des bravia,

2 b. Redemptis caelestia
Animabus gaudia,
Uncte sacro flamine,

3 a. In sanctorum agmine,
In perenni requie
Tremendae trinitatis.

3 b. O dies pietatis,
O tremor deitatis,
Est tuum iudicium

4 a. Mali poena, praemium
Boni, non est dubium,
In aeterna gloria.

4 b. Amara dies illa,

Tunc orbis in favilla
Dies calamitatum.

5 a. Animae fidelium,

Redemptor rex omnium,
Fruantur caelestibus,

5 b. Caelestium precibus,
Christianis vocibus
Requiescant in pace.