66. Missa contra Paganos.

1 a. Princeps pacis optime,
Vera quies animae,
Nostra pax et gloria,

1b. Pugil invictissime,
Iesu clementissime,
Audi nos aure pia.

2 a. Modernis temporibus
Nos in istis finibus
Bella premunt nimium ;

2 b. Quare totis nisibus
Ad te clamat precibus
Hoc praesens collegium.

3 a. Da pacem propitius,
Hostes pelle longius,
Purga nos a crimine ;

3 b. Victor potens, alius

Non est pugnans melius,
Quam tu solus, Domine.

4 a. Mundus pacem tribuit,
Quae nocet et nocnit;
Nos illam non quaerimus,

4 b. Sed pacem, quae placuit
Sanctis, quibus profuit:
Sic salvi nos erimus.

5 a. Pax aeterna, caritas,
Deus, summa bonitas,
Gregem eripe tuum.

5 b. His oris sit unitas
Ac nobis securitas

Nunc et in perpetuum.