68. In Conceptione BMV.

1 a. Alma Iesse

Stirps virescit rorida,

1b. Et in esse

Virgo prodit florida,

2 a. Vitae fructum paritura;
Anna prole cum tam pura
Fecundari cernitur,

2 b. Cuius castitatis velo
Sol aeternus se de caelo
Reclinans instruitur.

3 a. Huius natae per conflictum
Ruit Evae vae inflictum
Serpentis invidia,

3 b. Cuius cuput ipsa trivit
Et calcaneum munivit
Ab eius insidia.

4 a. Arca novae legis, Anna,
Claudis urnam caeli manna
Continentem verius,

4 b. Prudens abra castae Iudith,
Holofernem quae deludit,
Assistis sincerius.

5 a. Cum verbigeram superni
Patris uteri materni
Concipis opaculo

5 b. Atque gignis, generosam
Profers velut spina rosam,
Mundam a piaculo.

6 a. O laetare, felix spina,

Caeli mundique regina

Cuius alvo nascitur,

6 b. Gaude, gaude, rosapraegnans,
Cuius lacte caelo regnans
Hic in terris pascitur.

7 a. Gaude, clemens, gaude, pia,

Gaude, dulcis o Maria,

Tanto digna filio ;

7 b. Eia, parens, eia, nata,
Eia, sponsa Christi grata,
Duc nos ab exsilio

8. Ad caeli laeta
Secreta.