73. In Conceptione BMV.

1 a. Haec est dies,

quam fecit Dominus,

1b. In Domino

iam exaltabimus.

2 a. Exaltemus

in arca Domini
Iubilantes,

2 b. Iubilemus

Mariae nomini
Collaetantes.

3 a. Collaetemur

cum matre virgine,
Quae parentum
est munda crimine.

3 b. Crimen mundi
Maria expulit,
Lumen mundo
Maria intulit.

4:3. Infert lumen

virgo, quae conterit
Serpentinum
caput Luciferi.

4 b. Lucis mater
Eoi sideris
Iam fulgescit
mentibus liberis.

5 a. Quae est ista,

quae mane oritur,
Quae tam pulchra,

tam fulgens cernitur
Nec simile

habere creditur?
Haec est stella,

quae noctem superat,
Haec aurora,

quae solem generat.

5 b. Quot ardebit

dies fervoribus,
Si tot mane

fulget fulgoribus?
Mundum suis

urit ardoribus,
Solem corde

gerit, temporibus
Stellas, lunam

premit sub pedibus.

6 a. Haec est arca
undas diluvii
Calcans, arca
metu naufragii

Salvans et periculis.

6 b. Signum pacis,

haec arcus aetheris,
Haec est arca
antiqui foederis
Et domus refudi.

7 a. Haec est scala,

quae caelos evehit,

Haec est porta,
quam nemo aperit,

Sed est uni

patens pontifici.

7 b. Haec est clavis,

quae caelos aperit,

Haec est nubes,
quae solem operit,

Haec est templum
veri pacifici.

8 a. Ergo, virgo,

inventrix gratiae,
Virgo, mater

miseri cordiae,
Te clamantes
benigne respice.

8 b. Virgo, victrix

fraudis veneficae,
Fons salutis,

virgo, deificae
Venam nobis

aperi veniae.

9 a. Qui conceptam

te sine macula

Venerantur

gaudentes in via,

Cordis ad te
mittunt suspiria.

9 b. Vitae nobis

da propugnacula
Christianae,

teque in patria
Videamus,

o dulcis Maria.