74. In Nativitate BMV.

1 a. Columbarum

Tui sunt oculi,
Iubar clarum
Totius saeculi,

1b. Stella maris,

Mater egregia,
Quae laetaris
In caeli regia.

2 a. Mater patris,

Pudoris speculum,
Primae matris
Delens piaculum,

2 b. Angelorum

Transscendens culmina,
Exstas quorum
Sublimis domina.

3 a. Ergo ave,

Salvatrix gentium
Et suave

Robur languentium.

8 b. Ave, inquam,

O virgo gravida,
Super montem
Libani candida.

4 a. Tu caelestis
Vera testis

Exsistens mysterii

4 b. Deum paris,
Singularis

Compos puerperii.

5 a. Iamiam veni, balsamita,
Caeli splendor, mundi vita,
Virginalis gloria,

5 b. Sonet tua vox suavis
Veniamque donet pravis
Post haec transitoria.

6 a. Conspectui redemptoris
Infer vota peccatoris,
Mater illibata,
Decenter ornata
Monilibus aureis.

6 b. Castitatis dux sincerae,
Miserorum miserere
Nosque aure pia
Exaudi, Maria,
Suffulta argenteis

7. Columnis.