78. In Praesentatione BMV.

1 a. Angelorum mandatricem,
Summi Dei genetricem
Extollamus laudibus,

1b. Mariam, matrem gratiae,
Quam ornat sol iustitiae
Omnigenis floribus.

2 a. O qualis haec virguncula,
Quae triennis ad limina
Templi acceleravit!

2 b. O quanta caeli agmina
Ad huius ministeria,
Dum Deo dedicavit:

3 a. Pectoris sui abditum
Squaloris in antidotum
Vovens virginitatem,

3 b. Manum mittens ad fortia
Hostem prostravit framea,
Tenens humilitatem.

4 a. Tu sole quod sis amicta,
Vita probat benedicta,
Cunctis simul sanctior,

4 b. Precamur Deum attrahe,
Qui quemquam non vultsine te,
Ipsi cunctis proprior.

5 a. Nulla salus est in domo,
Si non tibi servit homo,
Medela peccatorum.

5 b. Ergo rege vera lege

Nos, a malis semper tege,
Procuratrix bonorum.