COLLATIO I.

(Cant. 6, 1). Dilectus meus descendit in hortum suum ad areolam aromatum, ut pascatur in hortis et lilia colligat.

1. Hortus iste est Ecclesia et fidelis anima: et bene dixit suum, quem ipse fecit, ipse excoluit, ipse virtutum pigmentis consevit, fonte gratiae suae, ne deficeret, rigavit, muro ciistodiae suae, ne ab extraneis profanaretur, conclusit.

Hortus iste est areola aromatum, vernans virore gratiarum, fragrans odore virtutum.

2. In hac autem areola, quae est Ecclesia, pascitur Christus in hortis, id est mentibus fidelium, tribus pascuis: operibus misericordiae, munda virginitate, devotione suavi.

De primo dicitur Matthaei vigesimo quinto : " Esurivi, et dedistis mihi manducare ".

De secundo, Canticorum secundo: "Qui pascitur inter lilia, donec aspiret dies, et inclinentur umbrae

De tertio Apocalypsis tertio:

" Cum apperuerit mihi, ego intrabo ad eum et coenabo cum illo, et ipse mecum".

3. Haec tria figurata sunt in tribus conviviis, quae celebravit Dominus post resurrectionem, scilicet cum discipulis suis.

Comedit enim cum euntibus in Emmaus , qui " coegerunt eum " ad hospitium, quod pertinet ad opera misericordiae.

Comedit etiam cum piscantibus super litus " partem piscis assi et favum mellis ", quod pertinet ad mundam virginitatem. In pisce enim assa designatur contra libidinem carnis mortificatio: in melle, quod non provenit ex coitu, sed ex mundis floribus, virginitatis munda refectio.

Comedit quoque cum discipulis ascensurus in caelum , " precipiens eis, ab Hierosolymis ne discederent", quod interpretatur pacis visio, ubi permanent devoti, dum supernam contemplantur pacem: et haec devotio Christi est refectio.

4. In hae quoque areola lilia colligit, cum plures ad se quadam familiaritate spirituali trahit. Tria sunt lilia: innocentiae, virginitatis et perfectionis.

De primo in Canticis : " Sicut Ulium inter spinas, sic amica mea inter filias"; sicut Ulium inter spinas, sic innocens, qui est pacificus " cum his qui oderunt pacem ".

De secundo: " Qui pascitur inter lilia ", " septus choreis virginum ".

De tertio dicit Osee in fine : " Ero quasi ros, Israel germinabit quasi lilium ". Quod autem hoc Ulium perfectionem significet, sequens docet littera: " Et erumpet radix eius ut Libani: ibunt rami eius ", id est virtutes, crescendo usque ad perfectionem gloriae suscipiendae proficient etc.