89. In Purificatione BMV.

1. Fecundata
mater et virgo
semper, Maria,

2 a. Nostris fave

votis, orbis regina,

2 b. Natum regem,
qui creavit omnia,

3 a. Offers die ista
in templo
inter senis
Simeonis brachia.

3 b. Spiritus sancti
monita
praestolatur
et Anna prophetissa.

4 a. Salvatori
ut praesenti
digna canunt carmina.

4 b. O Simeon,
senex iuste,
qui Christum portas ulnis,

5 a. Haec est dies,

quem exspectabamus,
implentur tua vota.

5 b. Denique nos

more tuo pangamus
Israelis regi cantica.

6 a. Gaude, o Maria,
virgo beatissima,
Quae Dei verbum nobis
hominem offers
intra templi moenia.

6 b. Casta fave mater,
regnat iam proles tua.
Et tu, virgo inclita,
semper laetare
per infinita saecla.