92. In Transfixione BMV.

1a. Gaude, Sion mater, quia
Dona magna tibi tria
Propinantur hodie,

1 b. Christus dulcis cum Maria
Pro te rogant prece pia
Regi summae gloriae.

2 a. Hodie Christus maeeratus,
Pro te pendens laceratus
Crucis ignominia,

2 b. Spata dira perforatus,
Pie tui miseratus
Suscipit in gratia.

3 a. Hodie mater pietatis
Dona profert bonitatis
Stans sub cruce inclita,

3 b. Hodie pater maiestatis
Tibi bona largitatis
Donat sibi insita.

4 a. Quis infelix non impendet
Laudum vota, non intendet
Matri in exsilio?

4 b. O quam felix, quae appendit
Mentis vota, quae suspendit
Crucis in eculeo.

5 a. Quod iustus olim cecinit,
Mater virgo recipit
Christi in agone;

5 b. Synagoga tunc cecidit,
Dum Sion [sancta] mansit
Institutione.

6 a. Fructum cepit vetitum,
Qui infecit populum,
Prima parens ;

6 b. Quia carpit insitum
Fructum verbi optimum,
Virgo dolens.

7 a. Eia, fructus caehce,
Nos nunc totos refice
Mariae ob amorem,

7 b. Fructus dulcis optime,
Fac saporem intime
Spiritus ad dulcorem.

8 a. Stabat hodie

Tota carens carie
Vultu lacrimosa,

8 b. Sustinens blasphemiae
Cohortem malitiae
Pro te amorosa.

9 a. Vena vitae, spes salutis,
Dei mater, dos virtutis,
Orbata praeconio

9 b. Auris tinnit tunc de brutis,
Dum tu audis a versutis
Natum tradi opprobrio,

10 a. Ob hoc, rosa, fons amoris,
Nos sentire vim doloris
Facias veraciter,

10 b. Ut expertes nos maeroris
Simus duri et furoris
Iudicis perenniter.