Congregatio de Causis Sanctorum 909

ACTA CONGREGATIONUM

CONGREGATIO DE CAUSIS SANCTORUM

FODIANA

Beatificationis et Canonizationis Servae Dei Mariae Caelestis Crostarosa (in sae-

culo: Iuliae) Monialis et Fundatricis Ordinis Sororum a Sanctissimo Redemptore

(1696-1755)

DECRETUM SUPER VIRTUTIBUS

« Ego sum via et veritas et vita; nemo venit ad Patrem nisi per me »

( Gv 14, 6).

Omnia confidenter Christo et intimae cum eodem adhaesioni commenda-

re conversationis et spiritualitatis insigne fuit Servae Dei Mariae Caelestis

Crostarosa (in saeculo: Iuliae) praecipuum, quae vero in mystico suo cum

Deo commercio omnino placitis eius adhaesit ac sese a Spirito in vivam

dominicae misericordis caritatis transfigurari sivit memoriam.

Serva Dei die 31 mensis Octobris anno 1696 Neapoli in Italia nata est e

celebri ordinis burgensis familia et ad baptismalem fontem regenerata Iuliae

recepit nomen. Unus ex fratribus eius presbyter e Societate Iesu factus est,

sorores autem duae simul cum eadem monasterium ingressae sunt. Multa

de actis eius e Vita, quam ipsa de se moderatoris spiritualis petitu iam

exacta aetate anno circiter 1750 scripsit, trahuntur.

Vivido ingenio atque expedita solutaque indole praedita, in iuventute

breve inquietudinis spiritualis tempus vixit, quam auxilio quoque conscien-

tiae sui moderatoris, viri scilicet peritiae magnae ac firmae doctrinae, va-

luit praeterire. Vocatione ad vitam consecratam percepta, duodevicesimum

aetatis agens annum castitatem Deo devovit.

Anno 1718, Monialium Carmelitarum Conventum Mariae Sanctissimae

a Septem Doloribus dicatum in vico Marigliano prope Neapolim ingressa

est, ubi usque ad Conservatorii abolitionem anno 1723 resedit. Breve ad