95. De Doloribus BMV.

1 a. O mater Christi et virgo,
Fons salutis et origo,
Tu nostra redemptio,

1 b. Angelus cum salutavit
Te, virginem informavit,
Quod virtus Dei flavit.

2 a. Tu, quae Christum genuisti,
Circumcisum doluisti
Et amissum invenisti

In templo, mater, natum.

2b. Hunc Iudaeis iam traditum.
Corpus eius denudatum,
Oculis tuis ablatum
Dolebas, virgo, gratum.

3 a. Ita cruci adfigitur,
Per impios deluditur
Et pro nobis moritur.

3 b. Anima tua pungitur,
Cum filius deponitur
Et planctu sepelitur.

4 a. Stabas, virgo dolorosa,
Iuxta crucem lacrimosa,
Ergo, mater gratiosa,
Adiutrix copiosa,

4 b. Pacem confer, finem bonum,
Mala pelle et da modum
Ita spernere mundana,
Ut amemus caelica.

5. Per dolores, quos tulisti,
Lava sordes choro isti
Et perduc ad thronum Christi,
Virgo mater, Maria.