97. In Assumptione BMV.

1 a. Gaudiorum virgo mater,
Cuius filius est pater,
Habet privilegium,

1 b. Quaeque virgo collaetatur,
Et in Christo gloriatur
Tota caeli curia.

2 a. Ave, virgo, cuius festum
Sacrosanctum et honestum
Recolit ecclesia,

2 b. Gerens vas illuminatum
Oleumque praeparatum
Sponso gaudens obvia.

3 a. Imprudenti non intrante
Introisti currens ante
Christum sequens filia,

3 b. Sic ingressa caeli chorum,
Rosas habes circa thorum,
Violas et lilia.

4 a. Virgo prudens, virgo munda,

Peccatores nos emunda

Ab omni spurcitia,

4 b. Emundatos nos commenda
Sponso Christo ad habenda
Sempiterna gaudia.