98. In Assumptione BMV.

1 a. Plausu dulcis harmoniae
Honoretur in hac die
Mitis Iesu matris piae
Felix tam assumptio.

1 b. Hic quaerendo disputatur,
Carne si incineratur,
An in caelum assumatur
Tota iuncta filio.

2 a. Sacram flamen hancmundavit,
Carnem totam integravit,
Ergo non deintegravit
Hanc incineratio.

2 b. Est de matre caro Christi,
Sed regnantem hunc audisti,
Ergo secum debet sisti,
Cum sit carnis unio.

3 a. Si cum Deo pars praeesset,
Et cum verme pars subesset,
Ergo dicta non fuisset
Tota plena gratia.

3 b. Sed est plena, pulchra tota,
Ergo caret omni nota,
Ergo vermi non est nota,
Sed regnat in gloria.

4 a. In electis nil ignorat,

Quin hanc Deus praehonorat,
Ergo non hanc inhonorat
Tellus talem nutriens.

4 b, Cum sanctorum quaedamcaesa
Membra constant et illaesa,
Ergo nunquam erat laesa
Caro Deum pariens.

5 a. Morti datam sepelitur
Nec in terris reperitur,
Quo sit raptum hinc nescitur
Corpus matris virginis.

5 b. Est in caelo vel in solo,
Non in imo, ergo polo
Regnat Dei velle solo
Secus dextram numinis.

6 a. Ergo matrem tam beatam
Obdormisse, post translatam
Ac in caelis coronatam
Credat grex eeelesiae.

6 b. Te precamur, stella maris,
Quae cum Iesu gloriaris,
Ducas dos, quo sublimaris
Regis regno gloriae.