Congregatio de Causis Sanctorum 913

HERBIPOLENSIS

Beatificationis et Canonizationis Servi Dei Clementis Fuhl (in saeculo: Vincentii)

Sacerdotis Professi Ordinis S. Augustini (1874-1935)

DECRETUM SUPER VIRTUTIBUS

« Nolite conformari huic saeculo, sed transformamini renova tione mentis,

ut probetis quid sit voluntas Dei, quid bonum et bene placens et perfectum »

( Rm 12, 2).

Personat quidem haec beati Pauli apostoli exhortatio et in humana

spiritualique conversatione Servi Dei Clementis Fuhl (in saec.: Vincentii),

Sacerdotis Professi Ordinis Sancti Augustini, qui pro certo semper habuit

conscientiam bonam et honestam vitam a Christo restitutam illud sibi velle,

pertendere ex hac ipsa mortali vita, per dilectionem virtutum et sapientiae

et veritatis, in altiora ea quae plenitudo sunt gaudii beatificae in aeternum

visionis, ut Sancti Augustini spirituale magisterium copiose amplissimeque

docet.

Servus Dei, piorum ingenuorumque parentum filius, die 18 mensis Iunii

anno 1874 in pago Aidhausen, non longe ab oppido Hofheim in Bavariae

finibus, primum aspexit lucem et postero die in baptismatis fonte renatus

est. Mater eius piissima semperque ama bilis necnon et apud ipsum cunctum

natalis oppiduli populum amatissima fuit. Cum eius vir - quinto aetatis

anno Vincentii vix expleto - suum extremum in hoc mundo diem obiit, ipsa

in educa tionem institutionemque filiorum trium sola studiose incubuit. Et

proprium illius familiolae fuit sacramentorum precumque ferculis tantum

vesci ut hoc ipsum copiosum nutrimentum futuro Servo Dei ample prodesset.

Vincentius deinde tam perspicaci ingenio, tam corde veraciter sincero, tam

optima indole praeditus erat, ut omnium admirationem in se converteret

ac spem minime dubiam omnibus suppeditaret se in magnum bonum esse

evasurum. Benignus, affabi lis, officiosus in omnes, prudens, modestus puer

et optimis moribus adulescens imbutus, praeclaris animi dotibus, praecipue

iustitiae, munitus, futurus Dei Servus sacramenta primae Commu nionis anno

1887 et Confirmationis postero anno recepit.

In bonas artes quidem apud gymnasium et lyceum Münnersta diensis civi-

tatis incubuit ad novitiatum Provinciae Germanicae Ordinis Sancti Augustini