99. In Assumptione BMV.

1 a. Assumpta virgo virginum,
Spes atque salus hominum,
Regnat iam cum filio ;

1 b. Est in caelis haec regina,
Digna laude, sine spina
Rosa iuncta lilio.

2 a. Maria, flos castitatis,
Hortus clausus deitatis,
Dei gaudet solio;

2 b. In excelso caeli sita,
Mundi labe non attrita
Scandit ab exsilio.

3 a. Caelum suae clariatis
Luce replet, iam beatis
Praelata spiritibus ;

:3 b. Gaudet chorus virginalis,
Exstans illi specialis
Honor in caelestibus.

4 a. Exercitus hanc sanctorum
Venerando supernorum
Profitetur dominam ;

ib. Angelorum Dei coetus
Psallit congaudendo laetus
Dominantis gloriam.

5 a. Ergo nobis, o beata,
Supra caelos exaltata,
Tuum placa filium,

5 b. Ut nos culpis absolutos
Paradiso reddat tutos
Mundi post exsilium.