914 Acta Apostolicæ Sedis - Commentarium Officiale

ineundum. Augustinianae Familiae nomine dato, die 17 mensis Septembris

anno 1893 habitum summa cum laetitia induit et fratris Clementis nomen

accepit. Vota simplicia postero anno, die 18 mensis Septembris, emisit et,

magistro Venera bili P. Pio Keller perfecto, perfectae vitae sacerdotalis for-

mam sibi effingere potuit religiosus professus, quam sacerdotio initiatus,

die primo mensis Augusti anno 1897 ad effectum in sua vita adduxit.

Socius magistri novitiorum annis 1899-1902, magister et ipse annis 1902-

1908, usque ad annum 1912 magister professorum sim plicium, formationis

ministerii gravitatem in se transtulit et humili verbo vitaeque exemplo ad

sinceram vitam fidei maxima cum diligentia educandos coluit. P. Clemens

pro gymnasii alumnis Con gregationem Marianam instituit, cui spiritualis

adsistens praefuit.

Humanarum spiritualiumque dotium gratia superiores Germanicae Pro-

vinciae Servum Dei ad exercendum prioris munus Münnerstadiensis domus

vocaverunt; secretarii provincialis bis exercuit; definitoris munus per multos

annos gessit; postremo, ter Prior provincialis electus est: annis 1920, 1924

et 1927. Ob suae religiosae consecrationis exemplum, Servus Dei vocationes

auxit et multiplicavit et hac ratione magnum attulit Provinciae Germanicae

incrementum. Voluit fratres laicos bene instructos aliqua arte. Quo propo-

sita sua facilius ad effectum adduceret, educandatum pro laicis erexit, ubi

duodecim artes, et typographicam, instituit. Studiose tendebat animum in

illos conventus, ubi iuvenes, spes Ordinis prima, instituuntur, optans et

incitans ut ipsorum institutio futuro rum sacerdotum officio responderet.

Quorum complures ad univer sitates Romae vel Hispaniarum mittebat. Com-

missarius erat fratrum suae Provinciae in Statibus Foederatis Americae

Septentrionalis ab anno 1929, cum definitor iterum Provinciae Germanicae

venit ad Capitulum Generale Romanum anno 1931, quo ex inopinato electus

est Prior generalis Ordinis S. Augustini.

Velut evangelica lucerna super altius candelabrum posita, fulgor eius

pietatis omnibus illuxit. Humilitate et simplicitate inge nua omnium ad se

amorem attraxit. Pro omnibus vexatis pauperi busque se ieiuniis et morti-

ficationibus reprimebat. Verus discipulus Sancti Augustini, quod hic dilexe-

rat et ipse diligebat, caritatem et scientiam: caritatem, qua omnes vires

uniantur in unum; scientiam, qua vires unitae finem attingant. Vehemen-

ter exoptabat ut omnes Provinciae Ordinis collaborarent magis ac magis,

quarum Germaniae, Boemiae, Poloniae, Hollandiae et Belgii Provincias in