101. In Festo Mariae Nivis.

1 a. Laudes Deo altissimo,
Christo decantet Domino
Felix mater ecclesia,

1b. Iucundo qui miraculo
Salubrique oraculo
Suae matris sollemnia

2 a. Decoravit hodie,

Nives dum descendere
In Augusti tempore

2 b. Fecit mirabilius

Terram fundens citius.
Dum orat patricius.

3 a. Velut fortis Gedeon
Vellus vidit humidum
Terra sicca tota,

3 b. Siccam sic patricius

Terram prospexit [protinus]
Nive centro mota.

4 a. Per quem erigi congruam
Ibi fecit basilicam
Suae castae matris

4 b. Perenni sub memoria
Eius adaucta gloria
Filius Dei patris.

5 a. Iesu ergo o benigne,

Propter vota matris dignae
Nive tuae gratiae

5 b. Ignem carnis, labem mentis
Tolle, donum refulgentis
Da caelestis patriae.