916 Acta Apostolicæ Sedis - Commentarium Officiale

mensis Februarii anno 1995 datum, probatae sunt. Positione confecta, in

Congressu Peculiari Consultorum Theologorum die 24 mensis Aprilis anno

2012 prospero cum exitu discepta tum est, iuxta consuetudinem, an Servus

Dei more heroum vitutes christianas exercuisset. Patres Cardinales et Epis-

copi in Sessione Ordinaria cui ego, Card. Angelus Amato, praesedi die 19

mensis Novembris anno 2013, professi sunt Servum Dei virtutes theolo gales,

cardinales iisque adnexas in mo dum heroum exercuisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata rela tione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Clementis

Fuhl (in saec.: Vincentii), Sacerdotis Professi Ordinis S. Augustini, in casu

et ad effectum de quo agitur.

Hoc autem decretum publici iuris fieri et in acta Congre gationis de

Causis Sanctorum Summus Pontifex referri mandavit.

Datum Romae, die 9 mensis Decembris a.D. 2013.

angeluS carD. amato, S.D.B. Praefectus

L. G S.

G marcelluS Bartolucci

Archiep. tit. Mevaniensis, a Secretis