102. De beata Maria V.

a festo S. Stephani usque ad
circum cisionem.

1 a. Gaude, mater Iesu Christi,
Verbum verbo concepisti,
Gabrieli dum dixisti:
En, ancilla Domini;
Maria.

1 b. Gaude, mater expers maris,
Porta caeli, stella maris,
Iesum laeta virgo, paris.
Deum iunctum homini,
Maria.

2 a. Gaude, parens Dei nati,
Circumcisi, Deo grati,
Qui pro nobis venit pati;
Tu sis pia miseris,
Maria.

2 b. Gaude, videns venientes
Auram, murram, tas ferentes
Magos, Iesum confitentes,
O regina sideris,
Maria.

3 a. Gaude, quia tuum natum,
Templo Dei praesentatum,
Simeone amplexatum,
Virgo mater, sequeris,
Maria.

3 b. Gaude, Iesus resurrexit
Laetos reddens, quos dilexit,
Omnes iustos secum vexit ;
Serva nos ab inferis,
Maria.

4 a. Gaude, mater, cuius natus
Iesus scandens, laureatus,
Dextra patris est locatus ;
Salva tuos filios,
Maria.

4 b. Gaude, quia Iesus misit
Bis sex denis, quos dimisit,
Sacrum flamen, quod promisit ;
Tu nos rege devios,
Maria.

5 a. Gaude, licet sis defuncta,
Manens tamen inconsumpta
Et assumpta super cuncta
Es cum Iesu filio,
Maria.

5 b. Iesu mater, miserere
Et, quos Eva fecit fiere,
Ubi gaudes, fac gaudere
Sempiterno gaudio,
Maria.