Congregatio de Causis Sanctorum 917

QUEBECENSIS

Beatificationis et Canonizationis Servi Dei Mariae Clementis Staub (in saeculo:

Iosephi) Sacerdotis Professi Congregationis Augustinianorum ab Assumptione

Fundatoris Congregationis Sororum a Sancta Ioanna d'Arc (1876-1936)

DECRETUM SUPER VIRTUTIBUS

« Per Sacratissimum Cor, cum Sacratissimo Corde, in Sacra tissimo Corde ».

Haec Servi Dei Mariae Clementis Staub, apostoli Sacratissimi Cordis,

fundatoris Montis Martyrum Canadiensis et Congregationis Sororum a Sanc-

ta Ioanna d'Arc, fuerunt nuntium.

Servus Dei die 2 mensis Iulii anno 1876 Monte Caesaris in Alsatia in

Gallia, quartus e filiis coniugum Clementis Staub et Margaritae Hertig,

ortus est et ad baptismalem fontem Iosephi accepit nomen. Quattuordecim

annos natus, adulescens Iosephus Congregationem Augustinianorum ab As-

sumptione ingressus est, iam inde a iuventute eximiam erga Sacratissimum

Cor Iesu ostendens pietatem. Die 6 mensis Septembris anno 1896, eorun-

dem Assumptionistarum, qui dicuntur, induit habitum ac religiosum Mariae

Clementis sumpsit nomen. Mense Octobris anno 1898, Romam ad perficien-

da studia se contulit et, die 19 mensis Martii anno 1904, apud basilicam

cathedralem papalem Lateranensem in honorem Sanctissimi Salvatoris et

Sanctorum Ioannis Baptistae et Praecursoris et Ioannis Evangelistae in Urbe

dicatam presbyteratu auctus est ac postridie apud catacumbas S. Callixti

primam Missam celebravit. Galliam ergo Servus Dei repetebat presbyter et

doctor in Philosophia et Sacra Theologia factus.

Inter annos 1904 et 1906 primum Submagistri Novitiorum munus Lo-

vanii exercuit ac deinde Magistri Novitiorum apud Con ventum iuvenum

conversorum Gempiae. Iamiam vero Europam reliquit et in Americam Sep-

tentrionalem transiit, quae exinde terra aposto latus eius facta est: die 7

mensis Decembris anno 1909, Pater Maria Clemens Oceanum Atlanticum

enavigavit et vinculo regularis oboedientiae ductus Collegium Fratrum ab

Assumptione Vigorniae in Massachuseta e Civitatibus Foederatis Americae

Septentrionalis attigit.

Primum opus magnum Patris Mariae Clementis in America constitutio

fuit Archisodalitatis pro Oratione et Paenitentia. Ipse autem verus utique