104. De beata Maria V.
Tempore paschali.

1 a. Verus homo, verus Deus,
Propter reos factus reus,
Carne crucifigitur ;

1 b. Sic salvator condemnatur,
Ut mors iure moriatur,
Vita sponte moritur.

2 a. Et videris ratione

Non hic minus in agone
Tulisse quam filius,

2 b. Suum corpus victimam
Dedit, tuam animam
Pertransivit gladius.

3 a. Sed resurgens leo fortis
Aufert principatum mortis.
Praedam refert inferi,

3 b. Plus compassa patienti
Plus consurgis resurgenti
Quam sanctorum ceteri.

4 a. Placa nobis, O beata,

Parens natum, patrem nata,
Carnis pro flagitio

4 b. Ne mens ipsa flagelletur,
Sed in nobis iteretur
Christi resurrectio.