Congregatio de Causis Sanctorum 919

in Domino quievit, condolentibus omnibus sive viribus sive mulieribus, qui

eum cognoverant et amaverant et in eo presbyterum, fundatorem, sodalem

invenerant et apostolum servitio Ecclesiae et adventui Regni Sacratissimi

Cordis indefesse deditum.

Ob eius sanctitatis famam Causa Beatificationis et Canoni zationis apud

Curiam Archiepiscopalem Quebecensem inita est per celebrationem Inquisi-

tionis dioecesanae a die 7 mensis Iunii anno 1967 ad diem 13 mensis Ianuarii

anno 1981, cuius auctoritas et vis iuridica ab hac Congregatione de Causis

Sanctorum primum die 10 mensis Ianuarii anno 1986 et, post Supplementum

inquisitionis die 24 mensis Novembris anno 2001 factum, die 1 mensis Martii

anno 2002 probatae sunt. Positione confecta, die 16 mensis Novem bris anno

2012 in Congressu Peculiari Consultorum Theologorum prospero cum exitu

disceptatum est, iuxta consuetudinem, an Servus Dei more heroum virtutes

christianas exercuisset. Patres Cardinales et Episcopi in Sessione Ordinaria

diei 18 mensis Martii anno 2014, cui egomet ipse Angelus Cardinalis Amato

praefui, professi sunt Servum Dei virtutes theologales, cardinales iisque

adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Ma-

riae Clementis Staub (in saeculo: Iosephi), Sacerdotis Professi Congregationis

Augustinianorum ab Assumptione et Fundatoris Congregationis Sororum a

Sancta Ioanna d'Arc, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Aprilis a.D. 2014.

angeluS carD. amato, S.D.B. Praefectus

L. G S.

G marcelluS Bartolucci

Archiep. tit. Mevaniensis, a Secretis