105. De beata Maria V.
Sub Octava Pentecostes.

1 a. Veni, mater deica,
Veni, rosa caelica,
Arca sancti spiritus,

1b. Veni, plena gratiae,
Veni datrix veniae,
Lima nostri generis.

2 a. Consolatrix omnium,
Tuum placa filium
Ad nostra suspiria,

2 b. In labore proxima,
Spes pro nobis optima
In Dei praesentia.

3 a. O puella nobilis,
Omnis per te flebilis
Meretur solacium,

3 b. Sine viri onere
Meruisti gignere
Salutem fidelium.

4 a. Lava cordis vitia,
Purga noctis saucia,
Sana mentis vulnera,

4 b. Flecte contumacia
Et corrige noxia,
Vi contere aspera.

5 a. Da in te sperantibus
Tuis servitoribus
Vitae refrigerium,

5 b. Da caelorum aditum,
Da sanctorum habitum
In perenni gloria.