106. De l)eata Maria V.
Diebus Sabbatis.

1 a. Vas decoris et honoris,
Vas caelestis gratiae,

1 b. Templum nostri redemptoris,
Forma pudicitiae.

2 a. Miserorum miseratrix
Et lapsorum relevatrix,
Fons misericordiae,

2 b. Virgo, vitae reparatrix,
Angelorum imperatrix
Et caelestis curiae.

3 a. Virga Iesse generosa,
Super omnes speciosa
Flore? fructu, specie,

3 b. Servos tuos, gloriosa,
Gratos redde, gratiosa,
Christo, regi gloriae.

4 a. Ave, virgo, stella maris,
Mater sapientiae,

4 b. Audi virgo singularis,
Preces nostras hodie.

5 a. Flos, Maria, castitatis,
Pelle nostrae gravitatis
Onus et tristitiae,

5 b. Plagam nostrae pravitatis
Unge, mater caritatis,
Oleo laetitiae.

6 a. Dormientes in peccatis
Leva manu pietatis
De lacu miseriae,

6 b. Et per viam veritatis
Duc ad regem claritatis,
Scala domus regiae.

7 a. In qua frui valeamus

Perte, sancta, quam laudamus,
Sede sapientiae,

7 b. Ubi semper referamus
Deo grates et reddamus
In caelesti serie.