107. De beata Maria V.
Diebus Sabbatis.

1 a. Ad haec festa sabbatina
Paneat nunc ecclesia

1b. Sono duplo, voce trina
Mariae praeconia.

2 a. Haec est salus, haec est vita
Peccatorum omnium,

2b. Haec turris bene munita,
Pauperum refugium.

3 a. Mater Dei, mater nostra,
Mater et angelica,

3 b. Quae cassavit, quae curavit
Venena diabolica.

4 a. Hostes terret turris illa
Fugans multa milia,

4 b. Domini haec est ancilla
Filii et filia.

5 a. Haec est myrtus, cuius virtus
Penetravit sidera,

5 b. Nardus sapit et hanc capit,
Rex, qui regit aethera.

6 a. Cui placet, ut nunc placet
Transgressoris crimina,

6 b. Quam exaudit et adplaudit
Per eius precamina.

7 a. O quam cara et quam clara
Est haec mater filio,

7 b. Quem arridet, quando videt,
Rosa iuncta lilio.

8 a. O quam plena et amoena
Est haec laude caelica,

8 b. Quam decorat, quam honorat
Phalanx archangelica.

9 a. Cupit natus, ut sit datus
Dies ille virgini,

9 b. Ut succedat et praecedat
Sollemnitas filii.

10 a. Stat cum eo, ut sit reo
Impetratrix gratiae,

10 b. Quam nil fessat, nam non ces-
sat
Coram eius facie.

11a. Ergo, pia o Maria,

Laudes nostras suscipe,

11 b. Nos a poenis et venenis
Serpentinis eripe.

12 a. Nos tuere, nos gaudere
Fac, o dulcis domina,

12 b. Immortali, aeternali

Commendans regi saecula

13. Per omnia.