110. De beata Maria V.

1 a. Ave, fulgens stella maris,
Mater thoro carens maris,
Super omnes sublimaris
Ierarchias ordinum.

1 b. Virgo manens mater paris,
Sola parens expers paris,
Unde iure nuncupans
Virgo, decus virginum.

2 a. Ave, semper cara caris,
Ab adflictis invocans,
Nempe quia praedicaris
Mediatrix hominum.

2 b. De te, mater singularis,
Caesus lapis angularis,
Cum quo sursum gratularis,
Caeli consors numinum.

3 a. Ave, decor puellaris,
Veri stola fide raris,
Immo scala salutaris,
Directrix ad Dominum.

3 b. Tu praepollens signis claris,
Actus vitae saecularis
Pie laves, cum dicaris
Expiatrix criminum.

4. Quae prae cunctis praemiaris,
Tuos semper tuearis,
Vitam puram largiaris
Mortis ante terminum.