115. De beata Maria V.

1a. Ave, mater orphanorum,
Consolatrix miserorum,
Solamen desolatorum,
Lux in mundi tenebris,

1b. Virgo David stirpe nata,
Ab angelo salutata,
Sacro flatu fecundata,
Non carnis illecebris.

2 a. Evae nomen mutans ave,
Per hoc verbum tam suave
Sic pressorum releva vae,
Ut gementes visites.

2 b. Carens labe Sunamitis,
Cum tam pia sis et mitis,
Fac, quae prodit ex te, vitis
Veri simus palmites.

3 a. Eia, mater, advocata,

Natum mater, patrem nata
Roga, ne nos hic peccata
Trahant ad interitum.

3 b. Lacrimarum seda flumen,
Quod ocellis det acumen,
Ut videant verum lumen
A reis absconditum.

4 a. Infer cor, quod diligat te
Nec errare queat a te
Sed exerceat [beate]
Tuum beneplacitum.

4 b. In te mens inveniat
Fructum, qui sic satiat,
Ut nunquam fastidiat
Illum habens habitum.

5 a. Amarum quod est, dulcora,
Quod insulsum est, sapora,
Ut sit bonum malum, ora,
Quod bonum est, meliora,
Et melius optima.

5 b. Natus praestat sine mora,
Te exaudit quavis hora,
Rore eaeli cor irrora,
Nostri luctus vim minora,
Minoratum minima.

6 a. Uia morum, vitae norma,
Cuius clarent caeli forma,
Virtutibus nos informa,
Nato tuo nos conforma,
Cui curvamus genua.

6 b. Ad quem, qualescunque simus,
Pervenire quo possimus,
Quam ianuam caeli scimus,
Huic clamemus quantum qui-
mus:
Ave, caeli ianua.