118. De beata Maria V.

1 a. Ave, parens singularis,
Decus caeli, terrae, maris,
Angelorum, hominum,

1b. Digna digne commendans,
Quae cunctorum expers mari Peperisti Dominum.

2 a. Virgo casta praedicaris,
Stella maris appellaris
Et regina virginum,

2 b. Super choros elevaris
Angelorum in praeclaris,
Lucis luminarium.

3 a. Eia, mater o Maria,

Virgo clemens, virgo pia,
Christo nos concilia,

3 b. Ne nos satan in hac via
Mundi victos sophistria
Caeli privet gloria.

4 a. Mentis dulcis harmonia,
Memorare, felix, quia
Tu es plena gratia,

4 b. Iuva vera nos sophia,
Ut te dulci melodia
Laudemus in patria.

5 a. Ad te clamat peccatorum,
Feminarum, masculorum
Tota simul contio,

5 b. Orphanorum, adflictorum,
Clericorum, laicorum,
Te pulsat devotio.

6 a. Riga mentes singulorum
Rore sacro supernorum,
Ut de hoc exsilio

6 b. In conventu angelorum
Te sequamur et sanctorum
Pleno cum tripudio.

7 a. In praesentis fine vitae
Iesus et tu subvenite
Nobis in auxilium,

7 b. Ne contingat illud ''Ite
Nos audire nec Redite,
''Quod damnabit impium.

8 a. Absit hoc horrendum ''Ite,
''Iesu bone, dic: Venite
Ad perenne gaudium;

8 b. Quod dicetur his, qui mite
Vivunt et sunt absque lite
Praesens per exsilium.