125. De beata Maria V.

1 a. Ave, virgo virginum,
Regina angelorum,
Stirpis Iesse virgula,

1 b. Quae auctoris luminum,
Redemptoris hominum
Exstitisti gerula.

2 a. Quae illaeso hymine
Sine viri semine
Utero concepisti,

2 b. Absque quovis dolore,
Ineffabili more

In mundum protulisti

3 a. Et in annis teneris
Tui sacri uberis
Pastu reficiebas,

3 b. Continentem omnia
Strictissima fascia

In praesaepi cingebas.

4 a. Ulnis quem baiulabas,
In templum praesentabas
Cum legali hostia,

4 b. Hic in cruce levatus,

Pro nobis immolatus,

Caeli pandit ostia.

5 a. Iesu, fili Mariae,
Virginis castissimae,
Audi nos, te rogamus,

5 b. Dele nostra crimina,

Ut caelorum limina,

Ingredi valeamus.